ГОЦЕ ДЕЛЧЕВ

ЛОКАЛНА БИБЛИОТЕКА, ВЕЛЕС

ПРОМОЦИИ

Е-пошта Печати PDF

Промоција на монографијата „Рекламата како текст“ од проф. д-р Снежана Петрова Џамбазова

 

Во организација на  Локалната библиотека „Гоце Делчев“ Велес и Институтот за македонски јазик „Крсте Мисирков“Скопје, а во рамките на „Велешко лето 2021“ –Општина Велес, на 12.8.2021г. во Ликовниот салон се одржа промоција на монографијата  „Рекламата како текст“ од проф. д-р Снежана Петрова-Џамбазова. Делото е докторска дисертација на Петрова-Џамбазова, излезена од печат во 2019 година и претставува осврт на јазичните особености на телевизиската реклама.

Промоцијата започна со звуците на македонската музичка творба- Шарпланинска од Тодор Скаловски, а во изведба на Илија Настовски и Вероника Караколева.

За авторката зборуваа водителката Наталија Купенкова и директорката на Институтот за македонски јазик „Крсте Мисирков“, проф. д-р Елена Јованова Грујовска.

Промотор на монографијата  „Рекламата како текст“ беше проф. д-р Димитар Пандев кој потенцираше дека во својот научен труд  авторката ги разгледува рекламните пораки емитувани на телевизиските медиуми како текстови со посебен осврт на истражување на статусот и употребата на современиот македонски јазик преку овој специфичен вид на комуникација со телевизиската публика.

Рекламните пораки, според проф. д-р Снежана Петрова-Џамбазова, се јазични изрази со кои се манифестираат културните придобивки од една страна и се  показател на умешноста во успешното вметнување на фолклорен материјал од друга страна.

Последно освежено на Среда, 18 Август 2021 09:34
Е-пошта Печати PDF

Промоција на делата на Тошо Филиповски

 

На 6.8.2021г. во Ликовниот салон, Локалната библиотека „ Гоце Делчев“ Велес ја организираше промоцијата на делата на Тошо Филиповски: „Македонски рок времеплов“,  „Македонска дискографија – винили“ (1958-2019), прв том, „Македонска рок енциклопедија“ (1963 – 2018) – прв том.

На оваа активност од манифестацијата Велешко културно лето, воведничарот Борче Стојанов поранешен член на групата Ла Манш ја потенцираше важноста на овие три монографии за македонската рок музика и големиот придонес  на  Тошо Филиповски како хроничар на македонската рок сцена. Присутните имаа можност да го проследат документарниот филм создаден од МТВ за почетоците и текот на македонската рок музика.

Овие три монографии се први од ваков вид кај нас, а со оглед на нивната опсежност, и во поранешните југословенски републики.  Сега и Библиотеката ги има нив.

Македонска РОК Енциклопедија (1963 – 2018) – прв том

Издавач: Corpus Delicti Records

Приредувач на Енциклопедијата: Тошо Филиповски

Тираж: 1000 примероци

333 МАКЕДОНСКИ МУЗИЧКИ СОСТАВИ

Околу  2500 СПОМЕНАТИ МУЗИЧАРИ

Околу 400 црно-бели фотографии

Жанрови: rock, jazz, blues, electronic, hip hop, world music, pop-rock, punk, heavy metal, reggae, ska..........

• A4 формат

• тврд повез со обвивка

• црно бел принт со колор насловна

• приближно 500 страници

• повеќе од 400 фотографии

 

 

Име на монографијата: Македонска Дискографија – Винили (1958-2019), прв том

Издавач: Corpus Delicti Records

Приредувач на Монографијата: Тошо Филиповски

Тираж: 800 примероци

• A4 формат

• тврд повез со обвивка

• колор принт

• 474 страници

 

Содржина:

Комплетно се презентирани 333 винилни изданија (самостојни и заеднички), на македонски артисти и бендови, како и винилни изданија (компилации) на кои се застапени теми/песни/траки на македонски артисти и бендови.

Единствена можност да уживате во повеќе од 1.500 фотографии во боја (комплетни омоти на погоре споменатите грамофонски плочи (винили)), но и многу информации за самите изданија – еден дел официјални, но и голем дел од нив досега непознати за јавноста.

Жанровски, монографијата ги претставува винилните изданија со rock, jazz, blues, electronic, hip hop, world music, pop-rock, pop, punk, heavy metal, reggae, ska, funk, soul..........итн., музика која ја создаваат македонски музичари и бендови.

 

Македонски РОК времеплов

Издавач: Corpus Delicti Records

Приредувач на Енциклопедијата: Тошо Филиповски

Тираж: 500 примероци

Во времепловот се запишани/опишани или само споменати, концертни настани, родендени, објава на изданија, списанија, фанзини, интересни случки, промоции, смртни случаеви, .....се она што ја чини македонската рок сцена....

.....за сите 366 дена во годината се забележани околу 1500 настани.....со повеќе од 1000 фотографии....

Жанрови: rock, jazz, blues, electronic, hip hop, world music, pop-rock, punk, heavy metal, reggae, ska..........

• A4 формат

• тврд повез со обвивка

• црно-бело печатење со насловна стр. во боја

• приближно 400 страници

Последно освежено на Среда, 18 Август 2021 09:14
Е-пошта Печати PDF

Промоција на 9 Брајови и 3 аудио книги

Следејќи ги трендовите на модерниот живот, аудио книгата зема се поголем замав. Поради темпото на живот , луѓето се повеќе се насочуваат кон слушање на книги во автомобил додека патуваат при рекреативни активности. Затоа реализацијата на овој проект има големо значење не само за слепите лица, туку и за целата популација.

Иако проектот на онлајн аудио изданија започна со скромни очекувања кога започна снимањето на првите аудио книги , денес може да заклучиме дека очекувањата се повеќе кратно надминати. Локалната библиотека „Гоце Делчев“ од Велес е единствена од локалните библиотеки во државата која има катче за слепи читатели со аудио книги и книги со Браево писмо.

Затоа 3ти Декември Меѓународниот ден на лицата со инвалидност го одбележавме со промоција на 3 нови наслови во аудио форма издадени со финансиска подршка на Министерството за култура. Станува збор за 3 аудио книги за деца „Сон на тркала“ од Стојан Тарапуза,„Сказна за детето Вилен“ од Глигор Поповски и „Грдото Пајче од Ханс Кристијан Андерсен.Со оглед на светската пандемија со корона вирусот , библиотеката заклучи дека се зголеми побарувачката за аудио книги и пристапи кон збогатување на катчето со аудио книги.

Промоцијата на истите се одвиваше онлајн.Овие аудио книги ги има во Библиотеката , потоа на веб страницата на библиотеката има линк кон Националниот сојуз за слепите на Македонија www.nssrm.org.mk за бесплатно онлајн преслушување, односно читање.

Поради заедничката долгодишна соработка Библиотеката доби поклон од Здружението за слепи лица од 9 книги со Брајово писмо„20.000 милји под морето“ од Жилн Верн,„Гроб за душата“ од Живко Чинго , „Чија си“ од Сашо Насев,„Милијон маченици“од Ристо Крле, „Дилбер Стана“ од Столе Попов, „Дружината братско стебло“ од Јован Стрезовски, „Оливер Твист“ од Чарлс Дикенс,„Островот со скриеното богатство“ од Роберт Стивенсон и „Балканот не е мртов“ од Дејан Дуков. Ефектите од реализација на проктот снимање на аудио книги се следниве -поттикнување на љубовта на децата кон книгите, затоа што со нив е олеснет пристапот кон книгите, истите можат да ги користат и пред да знаат да читаат -зачувување на културното наследство, т.е заштита на книгите од уништување со нивното префрлање во аудио форма, односно дигитализирање.

 

Е-пошта Печати PDF

Промоција на книгата Срцето на една жена од Јасмина Ѓоргиева

На 02.11.2020 во Ликовниот салон се одржи промоција на книгата „Срцето на една жена“ од Јасмина Ѓорѓиева. Низ страниците на романот страница по страница како ден по ден се откинува животот чекајќи ја среќата. Радувајќи се на моментите на среќа во денот во исчекување за навечер како што вели и авторката „вечерта е само спуштена ролетна на уште една завршена епизода. Убаво е да живееш,да го прифатиш секој миг како подарок и да му се радуваш,но убаво е и да научиш дека дека токму оној твој сопствен живот како во некој негледан филм носи и денови на радост,но и денови на голема болка.Машки е да издржиш,а женски е да се плашиш и заплачеш без нималку срам. Но сепак на крајот од секој предизвик да го пробаш подобриот вкус без да заборавиш колку треба да уживаш во животот и неговите радости.


Последно освежено на Вторник, 17 Ноември 2020 15:10

Страница 1 од 10