ГОЦЕ ДЕЛЧЕВ

ЛОКАЛНА БИБЛИОТЕКА, ВЕЛЕС

ПРОМОЦИИ

Е-пошта Печати PDF

Промоција на 9 Брајови и 3 аудио книги

Следејќи ги трендовите на модерниот живот, аудио книгата зема се поголем замав. Поради темпото на живот , луѓето се повеќе се насочуваат кон слушање на книги во автомобил додека патуваат при рекреативни активности. Затоа реализацијата на овој проект има големо значење не само за слепите лица, туку и за целата популација.

Иако проектот на онлајн аудио изданија започна со скромни очекувања кога започна снимањето на првите аудио книги , денес може да заклучиме дека очекувањата се повеќе кратно надминати. Локалната библиотека „Гоце Делчев“ од Велес е единствена од локалните библиотеки во државата која има катче за слепи читатели со аудио книги и книги со Браево писмо.

Затоа 3ти Декември Меѓународниот ден на лицата со инвалидност го одбележавме со промоција на 3 нови наслови во аудио форма издадени со финансиска подршка на Министерството за култура. Станува збор за 3 аудио книги за деца „Сон на тркала“ од Стојан Тарапуза,„Сказна за детето Вилен“ од Глигор Поповски и „Грдото Пајче од Ханс Кристијан Андерсен.Со оглед на светската пандемија со корона вирусот , библиотеката заклучи дека се зголеми побарувачката за аудио книги и пристапи кон збогатување на катчето со аудио книги.

Промоцијата на истите се одвиваше онлајн.Овие аудио книги ги има во Библиотеката , потоа на веб страницата на библиотеката има линк кон Националниот сојуз за слепите на Македонија www.nssrm.org.mk за бесплатно онлајн преслушување, односно читање.

Поради заедничката долгодишна соработка Библиотеката доби поклон од Здружението за слепи лица од 9 книги со Брајово писмо„20.000 милји под морето“ од Жилн Верн,„Гроб за душата“ од Живко Чинго , „Чија си“ од Сашо Насев,„Милијон маченици“од Ристо Крле, „Дилбер Стана“ од Столе Попов, „Дружината братско стебло“ од Јован Стрезовски, „Оливер Твист“ од Чарлс Дикенс,„Островот со скриеното богатство“ од Роберт Стивенсон и „Балканот не е мртов“ од Дејан Дуков. Ефектите од реализација на проктот снимање на аудио книги се следниве -поттикнување на љубовта на децата кон книгите, затоа што со нив е олеснет пристапот кон книгите, истите можат да ги користат и пред да знаат да читаат -зачувување на културното наследство, т.е заштита на книгите од уништување со нивното префрлање во аудио форма, односно дигитализирање.

 

Е-пошта Печати PDF

Промоција на книгата Срцето на една жена од Јасмина Ѓоргиева

На 02.11.2020 во Ликовниот салон се одржи промоција на книгата „Срцето на една жена“ од Јасмина Ѓорѓиева. Низ страниците на романот страница по страница како ден по ден се откинува животот чекајќи ја среќата. Радувајќи се на моментите на среќа во денот во исчекување за навечер како што вели и авторката „вечерта е само спуштена ролетна на уште една завршена епизода. Убаво е да живееш,да го прифатиш секој миг како подарок и да му се радуваш,но убаво е и да научиш дека дека токму оној твој сопствен живот како во некој негледан филм носи и денови на радост,но и денови на голема болка.Машки е да издржиш,а женски е да се плашиш и заплачеш без нималку срам. Но сепак на крајот од секој предизвик да го пробаш подобриот вкус без да заборавиш колку треба да уживаш во животот и неговите радости.


Последно освежено на Вторник, 17 Ноември 2020 15:10
Е-пошта Печати PDF

Промоција на книгата „Муабетење со умот“ од Нада Алексоска

Новата книга „Муабетење со умот“ беше промовирана во Ликовниот салон на ден 16.10.2020. Автор е велешанката Нада Алексоска професор во пензија, на која оваа и е трета книга раскази, а има објавено и повеќе стихозбирки. Во книга се содржани куси раскази, новели кои се поделени во четири групи, во нив преовладува чувството кон татковината, кон околината во која живее и семејството.

 

Во книгата има многу метафорични моменти, како доаѓањето на ластовичките што значи на враќањето на нашите деца и внуци кои се во странство. Книгата ја опфаќа особено осаменоста на постарите жители во руралните населби бидејќи нивните деца и внуци се заминати или во поголемите градови во земјава или во странство, а говори и за испустувањето на селото. Сите наши иселеници ќе се најдат во оваа книга со раскази, но и нивите родители и роднини кои тука во земјава ги чекаат, секогаш со отворени врати, а за жал многу од нив и не ги дочекуваат - изјави промоторот Веле Алексоски.

Последно освежено на Вторник, 17 Ноември 2020 14:50
Е-пошта Печати PDF

Делегација на ДПМ во Велес во чест на аудио книгата „Бели мугри“

 

На 28 ноември, 2018 година во малата сала на Локалната библиотека „Гоце Делчев“ - Велес се одржа промоција на аудио книга „Бели мугри“ - самостојно и волонтерско издание на Локалната библиотека „Гоце Делчев“ - Велес и Здружението на слепите лица на Општина Велес, кое излезе во чест на 79 годишнината од излегувањето на антологиската поетска збирка „Бели мугри“ од Кочо Рацин. Присутните во салата имаа можност да слушната фрагменти од аудио книгата. Во оваа чест, делегација од осум еминетни поети и писатели од Друштвото на писателите на Македонија ја посети библиотеката и одржа пригодно предавање за Рацин, а беа прочитани и авторски стихови од поетите, посветени на Рацин. На промоцијата и поетското читање присуствуваше и делегација од Општина Велес, предводена од градоначалникот Аце Коцевски.

Страница 1 од 9