,,Во ред е, истовремено да се биде тажен и радосен”- им порача норвешката авторка Хилде Миклебуст на романот ,,Распарчени“, во издание на Бата прес на средбата со младите читатели од основните училишта во Библиотеката во Велес.
Промоцијата се одвиваше преку интерактивна дискусија меѓу авторката и младите читатели.
Авторката сподели моменти од настанувањето на романот, градењето на карактерите на ликовите ,како и вистинската причина за содржината на романот, загубата на нејзиниот пријател Аре.
Таа беше воодушевена од креативните и проникливи прашања на младите читатели кои го имаа прочитано романот.
По оваа средба се надеваме дека ќе продолжи успешната соработка помеѓу авторите, издавачките куќи и училиштата во интерес на младите.
