Учениците од четврто и петто одделение од ООУ„Васил Главинов“ Објект 2, заедно со својот наставник Васко Бојчев на 28.10. 2021 год. ја реализираа активноста Час во библиотека.
Учениците имаа можност да ги посетат Одделот за деца и Одделот за возрасни, да се запознаат со начинот на кој еден граѓанин може да ги користи услугите на Библиотеката и токму тука, во Медијатеката, да разговараат за значењето на книгата.
Учениците ја видоа и Специјализираната библиотека „Ратко Пајдаков“ како дел од Локалната библиотека „Гоце Делчев“. Освен аудиокнигите ги разгледаа и насловите со Брајова азбука кои се наменети за слепите лица.
Инспирирани од активноста цртаа илустрација за насловна страна на книга и твореа песна за книгата. Најдобрите изработки се изложени на Ѕидниот весник во просториите на Библиотеката.