Денеска, во медијатеката на Локалната библиотека „Гоце Делчев“, со поетски перформанс на тема „За македонските работи“, во изведба на учениците од ОСУ „Јовче Тесличков“ – Велес, под менторство на професорките Жаклина Ивановска Зафирчева и Рената Софијанова Николова, беа одбележани 154 години од раѓањето на патронот Гоце Делчев. Пред присутните беше прикажан и видеозапис за Гоце Делчев, подготвен од Локалната библиотека „Гоце Делчев“ – Велес.
Како и секоја година, библиотеката ги награди своите најверни читатели:
Најмлад читател за 2025 година: Теодора ФеринаНајчитател за 2025г. во категорија од предучилишна возраст е Ема Трајковска Највозрасен читател: Лилјана Ристовска Најчитател од Одделот за возрасни: Билјана Стојановска
Најчитател – основно образование: Стефан Тодоровски Најчитател – средно образование: Василка Карталова Најчитател – студент: Драгана Ристова Најчитател – пензионер: Снежана Димова
Најчитател од Одделот за деца (ОЕ Градско): Стефанија Илиева Најчитател од Одделот за возрасни (ОЕ Градско): Лилјана РибарскаНа свеченоста беа доделени и дипломи на наградените од литературниот конкурс по повод 4 Февруари – Денот на раѓањето на Гоце Делчев, на тема „Корените – тоа сме ние“, во категориите поезија и проза.
За континуираната поддршка и донација на книги, библиотеката оваа година додели Благодарница на Десанка Николова за успешната соработка во 2025 година.
Настанот беше збогатен со прекрасни музички изведби на Магдалена Тодоровска, сопран, во придружба на Илија Настовски. Водител на настанот беше Јасмина Ѓорѓиева.