Со извадоци од делото ,,Гоце Делчев во народното и уметничкото творештво” во редакција на Христо Андонов Полјански во изведба на учениците од ООУ„Блаже Конески“ под менторство на наставничката Костадинка Атанасова , денеска во медијатеката на Локалната библиотека „Гоце Делчев“ се одбележа раѓањето на нејзиниот патрон.
Библиотеката, како и секоја година, ги награди читателите со најголем број изнајмени книги.
Наjмлад читател за 2024 година е Чедомир Костадиновски,Највозрасен читател е Марија Питиќова.Најчитател од Одделот за возрасни е Билјана Стојановска.Најчитател во категорија од основно образование е Ана Митровска,Најчитател во категорија од средно образование е Василка КарталоваНајчитател во категорија студент е Андријана ЈакимоваНајчитател во категорија пензионер е Светлана Есенчева.Најчитател од Одделот за деца од организациската единица во Градско e Глорија СандевНајчитател од Одделот за возрасни од организациската единица во Градско e Жаклина Маркова.
На оваа свеченост беа доделени и дипломите на наградените од литературниот конкурс по повод раѓањето на Гоце Делчев – 4 февруари, на тема: „Моќта на книгата“.
Секоја година добиваме донации на книги од нашите сограѓани со коишто се збогатува библиотечниот фонд. Оваа година Библиотеката и дава Благодарница на Цветанка Ѓакова Панова за нејзината донација.
Одбележувањето на патрониот празник на Библиотеката беше збогатено и со прекрасните изведби на членовите на Балетското студио „Анабела“, Лена Жабева, Александра Глигоровска и Искра Ивановска под менторство на кореографот Цеца Пајдакова. Водител на настанот беше Лука Панов.
